د جنوب غرب زون د قضائي تفتیش عمومي ریاست پلاوي د فراه ولایت له اړوند محاکمو لیدنه وکړه
د سترې محکمې د قضائي معاونیت د محترم مقام په هدایت د جنوب غرب زون د قضائي تفتیش عمومي ریاست پنځه کسیز پلاوي د روان ۱۴۴۵ هـ ق کال د صفرالمظفر میاشتې په ۱۱مه نېټه د فراه ولایت د محاکمو د چارو د پلټنې او بررسۍ په موخه یاد ولایت ته سفر وکړ.
د جنوب غرب زون د قضائي پلټنې دغه پلاوي فراه ته د سفر پر مهال د یاد ولایت د مرافعه او ښاري ابتدائیه محاکمو له رئیسانو سره وکتل او د اړوند موضوعاتو په اړه تر خبرو وروسته یې د محاکمو د چارو د لابهبود په موخه ورته لازمې مشورې ورکړې.
دغه راز یاد پلاوي د خپل سفر په دوام د فراه ولایت د محاکمو له ټولو دېوانونو څخه جلا جلا لیدنه وکړه.
د جنوب غرب زون د قضائي تفتیش عمومي ریاست دغه پلاوي د خپل سفر په جریان کې یادو محاکمو د عریضو د ثبت کتابونه، د حقوقي او جزائي دوسیو د ثبت کتابونه، صادره او وارده او د رسیداتو کتابونو علاوه د حاضرۍ کتابونه هم له نږدې وکتل.
