د هلمند ولايت د ښاري ابتدائيه محکمې د مسؤولینو ترمنځ اداري غونډه وشوه
د هلمند ولایت د ښاري ابتدائیه محکمې عمومي رئیس محترم مولوي موسی کلیم (برهاني) په مشرۍ د ټولو دېوانونو رئيسانو، مفتيانو، محررينو، د تحريراتو مدير او د امنيتي قطعې قوماندان په ګډون په ۱۱/ ۵/ ۱۴۴۶هـ ق نېټه اداري غونډه ترسره شوه.
غونډه د قرآنکریم د څو مبارکو آیاتونو په تلاوت پیل شوه؛ ورپسې محترم مولوي برهاني د غونډې اجنډا بیان کړه او په هغو موضوعاتو چې د جزا دېوان څخه راغلي وو بحث وشو او د يادو موضوعاتو ځواب وویل شو.
د غونډې په دوام د سترې محکمې د عالي مقام د امنیتي قطعاتو له قوماندانۍ څخه د امنیت د لا ښه ټینګښت په تړاو راغلي مکتوب د عملي کېدو هدایت وشو.
دغه راز په دې غونډه کې د ښاري ابتدائیه محکمې رئيس د راتلونکې اداري ناستې لپاره ځينې موضوعات ګډونوالو ته ورکړل، ترڅو يې ځوابونه په تحریري بڼه راوړي او قضائي غړو، اداري کارکوونکو او د قطعې قوماندان ته يې هم لازمې سپارښتنې وکړې.
غونډه د دعاء په ویلو پای ته ورسېده.
