د پکتیا زون نظامي محکمې مسؤولينو د لوګر ولايت له مسؤولينو سره د همغږۍ غونډه وکړه
د پکتیا زون نظامي محکمې رئیس الحاج مولوي عبدالجلیل آغا (حسیني)؛ د لوګر ولايت له اړوند مسؤولينو سره، په ۲/ ۸/ ۱۴۴۷هـ ق نېټه د لوګر ولايت په مقام کې غونډه وکړه.
په دې غونډه کې د پکتیا زون نظامي محکمې رئيس، د پکتيا زون نظامي محکمې د اجرائيه قوې قوماندان، د لوګر ولايت مرستيال والي، د استخباراتو رئيس، د امنيه قوماندانۍ د داخلي امنيت آمر، د حوزو آمرینو او نورو ګڼ شمېر مسؤولينو ګډون درلود.
غونډه د قرآنکریم د څو مبارکو آیاتونو په تلاوت پيل شوه؛ ورپسې د پکتيا زون نظامي محکمې رئيس الحاج مولوي عبدالجليل آغا (حسيني) هر اړخیزه وینا وکړه او اړونده مسؤولينو ته يې لازم هدايات وکړل.
ورپسې ګډونوالو خپلې غوښتنې مطرح کړې او د مسؤولينو لخوا يې غوښتنې واورېدل شوې.
یاده غونډه د دعاء په ویلو پای ته ورسېده.
