د سترې محکمې نظامي معاون: د اسلامي امارت په حاکمیت سره د دیني او عصري علومو د مراکزو ترمنځ واټن له منځه تللی

m_admin
Tue, Nov 12 2024 5:52 PM
د سترې محکمې نظامي معاون: د اسلامي امارت په حاکمیت سره د دیني او عصري علومو د مراکزو ترمنځ واټن له منځه تللی

د سترې محکمې نظامي معاون محترم شیخ خیرجان (خیرخواه) صاحب نن سه شنبه (۱۰/ ۵/ ۱۴۴۶هـ ق) نېټه د مرکزي ریاستونو او دېوانونو د رئیسانو، مفتیانو، محررینو او آمرینو لپاره د دعوت او ارشاد رياست مياشتنۍ غونډه کې وویل چې د اسلامي امارت په حاکمیت سره د دیني او عصري علومو د مراکزو ترمنځ موجود واټن له منځه تللی دی.
په دې سربېره نوموړي وویل، د نړۍ کفارو او د دوی ملګرو په پوره توان هڅه وکړه چې د دیني او عصري زده کړو د مراکزو ترمنځ واټن رامنځته کړي، دوی غوښتل چې د عصري علم لرونکو په نزد علماء کرام وروسته پاتې خلک معرفي کړي، دغه راز د دیني علماوو په نزد عصري زده کړو لرونکي کسان له دین لرې معرفي کړي؛ خو الحمدلله د اسلامي امارت په حاکمیت سره د دیني او عصري علومو د مراکزو ترمنځ واټن له منځه لاړ او نن ورځ دیني علماء او د عصري علم لرونکي کسان په مشترکو ادارو کې سره یو او په ډېر اخلاص ولس ته خدمت کوي.
د سترې محکمې نظامي معاون صاحب زیاته کړه، اسلام یو کامل دین دی، د ټولنیز ژوند هره برخه په کې واضح او روښانه ده، د اسلامي نظام اصول او د دغه نظام د مسؤولینو او منسوبینو مسؤولیتونه په کې څرګند دي.
محترم شیخ خیرجان (خیرخواه) صاحب د اسلامي امارت په اړه وویل، اسلامي امارت په خپلو دوو دورو (تېره دوره او اوسنۍ دوره) کې ثابته کړه چې که مسلمانان په عقیدوي نظریه سره راټول او د کفارو پر وړاندې مبارزه وکړي؛ نو د الله تعالی په نصرت په کمو امکاناتو او وسایلو هم د کفارو پر وړاندې بریالیتوب ته رسېدلای شي.
شیخ صاحب زیاته کړه، اسلامي امارت د کفارو او هغو کمزورو مسلمانانو نظریه چې ګواکي په دې عصر کې د کامل اسلامي نظام جوړېدل غیر ممکن دي هم غلطه ثابته کړه؛ بلکې عملاً یې وښوده چې اسلامي نظام هر وخت جوړېډلای شي، اسلامي نظام یوازینۍ هغه لار ده چې د بشري ټولنې ټولې ناخوالې له منځه وړي، عدل تأمینوي او حق حقدار ته سپاري.
د سترې محکمې نظامي معاون څرګنده کړه، د هستۍ نظام پر عدل ولاړ دی او عدل بیا د اسلامي نظام د مهم ارګان (قضائیه قوې) په وسیله تأمینېږي، بناءً د قضائیه قوې ټول مسؤولین مکلف دي چې د خپلو اړوند مراجعینو سره د اسلامي شریعت د ارشاداتو مطابق چلند وکړي، غږ یې واوري، ښه اخلاق ورسره وکړي او د اړتیا پر مهال یې په اصولو پوه او رهنمايي کړي.
محترم شیخ خیرجان (خیرخواه) صاحب زیاته کړه، د اسلامي نظام مسؤولین او منسوبین به پر خلکو دا احسان نه کوي چې ګواکي دوی مسؤولین دي؛ بلکې دادې پر ځان د الله تعالی احسان وګڼي چې دوی ته یې د ملت د خدمت فرصت ورکړی او په ورین تندي دې خپلې دندې په ښه ډول ترسره کړي.
د یادونې وړ ده چې په دې غونډه کې د سترې محکمې نظامي مرستیال شیخ خیرجان (خیرخواه) صاحب، د مرکزي تمیز عالي ریاست رئیس محترم شیخ محمد شریف (حقاني) د مرکزي ریاستونو او دېوانونو رئیسانو، مفتيانو، محررینو او آمرینو ګډون درلود.

Latest news

Wed, May 14 2025 3:57 PM
Background image

The Honorable Chief Justice and the Head of the Supreme Court held a meeting with the officials of the Kabul Urban Primary Court

Today, Wednesday (16th Dhul-Qa’dah 1446 AH), the Honorable Sheikh Abdul Hakim “Haqqani”, Chief Justice and Head of the Supreme Court of the Islamic Emirate of Afghanistan, held a. . .

Tue, Apr 22 2025 10:01 AM
Background image

Honorable Chief Justice and head of the supreme court Sheikh Abdul Hakim Haqqani Leads a Delegation Visit to Zabul Province

In continuation of his provincial visits and oversight of judicial affairs, the Chief Justice and Head of the Supreme Court of the Islamic Emirate of Afghanistan, Honorable Sheikh Abdul. . .

Thu, Apr 17 2025 6:15 PM
Background image

Chief Justice and head of the Supreme Court Traveled to Helmand Province

On wednesday, 18th Shawwal al-Mukarram, 1446 AH, His Excellency Sheikh Abdul Hakim Haqqani, the Chief Justice and head of the Supreme Court, paid an official visit to Helmand Province. . .

BACK TO NEWS