د ننګرهار ولايت مرافعه محکمې رئيس د ياد ولايت د سرخرود ولسوالۍ له ابتدائيه محکمې څخه ليدنه وکړه
د ننګرهار ولايت مرافعه محکمې رئيس محترم عبدالشکور (رشاد آخندزاده)، د عامه امنيت دېوان عضو مفتي شيخ ولي محمد په ملتيا په ۴/۸/۱۴۴۶ هـ ق نېټه د ياد ولايت د سرخرود ولسوالۍ له ابتدائيه محکمې څخه ليدنه وکړه.
د ليدنې په پيل کې د مرافعه محکمې رئيس د یادې محکمې له اجراآتو څخه څارنه وکړه، د دوی کړنې يې وستايلې او مسؤولينو ته يې لازمې لارښوونې وکړې.
د ليدنې په دوام د مرافعه محکمې رئيس ټولو کارکوونکو ته په خطاب کې وویل؛ خپلو دندو ته متوجه اوسئ، د مراجعينو ستونزو ته پر وخت رسېدنه وکړئ، په خپل منځ کې غوره همغږي وساتئ، د يو بل په کارونو کې له مداخلې ډډه وکړئ او خپلې دندې مو د تېر په څېر په پوره ايماندارۍ او رښتينولۍ ترسره کوئ.
