د سترې محکمې د مالي او اداري چارو عمومي ریاست د ۱۴۴۷ هـ ق کال د دویمې ربعې لنډ راپور
د سترې محکمې د مالي او اداري عمومي ریاست د ۱۴۴۷ هـ ق کال په دویمه ربعه کې لاندې مهم فعالیتونه ترسره کړي دي:
1- د مرکزي ریاستونو د اړتیاوو د پوره کولو په موخه، د لومړۍ، دویمې او درېیمې ربعې په جریان کې د پټرولو، ډیزلو تېلو او روغتیايي محصولاتو د پېر، د لیلام وړ (۱۲) موټرو د اسنادو د ترتیب او د ۱۰ سلنه تخفیف د تطبیق، د خدماتي کارکوونکو د جامو د برابرولو او وېش، د څلورو زونونو د محاکمو د کمپیوټرونو او اړوندو وسایلو، د اضافي بخاریو د راټولولو، د سترې محکمې د وېشل شویو موټرسایکلونو د تثبیت او نوي کولو او همدارنګه د خوراکي او تنظیفاتي موادو د ارزونې، قېمت ټاکلو، اکمال او توزېع لپاره ځانګړي هیئتونه ټاکل شوي دي.
2- د سترې محکمې د پرسونل او مراجعینو د ستونزو د حل او هغوی ته د اسانتیاوو د رامنځته کولو په موخه، د مرکزي دفترونو د اسنادو د ساتنې لپاره د مسلکي پرسونل له لوري المارۍ جوړې شوې، د برق جنراتورونه د امنیتي او اجرائیوي قطعې څخه څلورو زونونو او د کابل ولایت مخزن ته انتقال، نصب او فعال شول.
3- د سترې محکمې مرکزي دفترونو، د کابل ولایت مرافعه محکمې، د نشهيي توکو او مسکراتو اړوند محکمې او د څلورو زونونو د محاکمو د ایرکنډیشن سیستمونه ترمیم، نصب او فعال شول.
4- د مرکزي دفترونو او زونونو د محاکمو د ودانیو د رنګمالۍ براورد وشو، د کابل ولایت د مخزن او د څلورو زونونو د محاکمو ویرنګکاري بشپړه شوه او د څلورو زونونو د مراجعینو د داخلي او خارجي لارو دېوالونه اعمار او پلستر شول.
5- د سترې محکمې د روغتیايي کلینیک له لوري (۵۵۰۳) نظامي او ملکي ناروغو کارکوونکو ته د پانسمان، زرقیاتو، سیروم، اکسیجن او د زړه ګراف برخو کې روغتیايي خدمتونه وړاندې شول.
6- د کابل ولایت د مرافعه محکمې د مخزن لپاره د (۳۴) فلزي الماریو او زغرهوالو دروازو د جوړولو پروژه بشپړه او ګټې اخیستنې ته وسپارل شوه او د ښاري ابتدائیه محاکمو په پارکینګ کې د ترانسپورت آمریت د وسایطو د ترمیم د ورکشاپ پروژه تر شاوخوا (۵۰) سلنه پرمختګ لري.
7- د دهسبز، سروبي او استالف ولسوالیو ابتدائیه محاکمو ته په ترتیب سره د (۴)، (۱۲) او (۲.۵) کیلو واټه لمریزې سولري برېښنا سیستمونه نصب او فعال شول.
8- د قضائي معاونیت او د مقام د تحریراتو د دفتر د پراختیا او ډیکوریشن چارې عملي شوې او د امنیتي قطعاتو د قوماندانۍ لپاره د دوو ودانیو د کانکریټریزۍ، د ذخیرې فعالولو او د سپتیک څاه د جوړولو پروژې تطبیق شوې.
9- د ښاري ابتدائیه محاکمو د مسجد د صفې پراختیا، د موټرو د تمځای لپاره د سایهبان جوړول، د جنراتورونو کانکریټي صفې جوړول او د مامورینو د تګ راتګ د زغرهوالې دروازې ترمیم ترسره شو؛ همدارنګه د سترې محکمې په مرکز کې د مجاهدینو د استوګنې د دوهمنزله ودانۍ پروژه شاوخوا (۷) سلنه پرمختګ لري.
10- د کاپیسا او هلمند ولایتونو د ښاري محاکمو د ملکیتونو نقشه او طرحه ترتیب شوه، د مجاهدینو د استوګنې لپاره (۵) باب کانکسونه انتقال شول، د هلمند او کاپیسا د ښاري محاکمو د ودانیزو پروژو لپاره د خاورې ازموینه ترسره او اړوندو ادارو ته یې اسناد ولېږل شول؛ همدارنګه، د ښکته میوند ولسوالۍ د ابتدائیه محکمې د ځمکې د انتقال چارې تعقیب شوې، د ۱۴۰۴ مالي کال لپاره د میدان وردګ او بغلان ولایتونو ښاري محاکمو او د زابل د سیوري او کندهار د ښکته میوند ولسوالیو د محاکمو تخنیکي اسناد ترتیب شول او د یادو محاکمو د ځمکو پروتوکولونه د کرنې وزارت د آراضۍ ریاست سره شریک او لاسلیک شول.
11- په بګرامي ښارګوټي کې د سترې محکمې د مرکز د (۴۰) مستحقینو د اپارتمانونو د وېش په اړه ګډه ناسته ترسره شوه، چې پرېکړه وشوه د عالي مقام د حکم تطبیق به د سترې محکمې، د مالیې وزارت او د ملي انکشاف شرکت ترمنځ د درېاړخیزې تفاهمنامې له مخې ترسره کېږي؛ اړونده تفاهمنامه ترتیب او د منظورۍ لپاره د اسلامي امارت د مشرتابه محترم مقام ته ولېږل شوه. د سترې محکمې د ۱۴۰۵هـ ق مالي کال بودجه د مرکز او ولایتونو د محاکمو د اړتیاوو پر بنسټ ترتیب، تائید او د مالیې وزارت ته راجع شوه.
