د زابل ولایت مرافعه محکمې د مسئولينو په هڅو د قتل موضوع حل او فصل شوه
د زابل ولایت د مرافعه محکمې مسئولينو او د حقوقو آمریت د استازو د هڅو په پایله کې، په ۲/ ۵/ ۱۴۴۸ هـ ق نېټه د یاد ولایت د شاجوی ولسوالۍ په «شهبار» سيمه کې رامنځته شوې د قتل موضوع حل او فصل شوه.
یاده موضوع د مرافعه محکمې او حقوقو آمریت د مسئولینو له‌خوا د حل او فصل په موخه وڅېړل شوه.
د اړوندو مسئولینو د هڅو په پایله کې د مقتول وارثینو د قاتل د بخښنې پرېکړه وکړه او په دې توګه د یادې موضوع د حل لپاره زمینه برابره شوه.
د یادونې وړ ده، چې مرافعه محکمه د خلکو ترمنځ د شخړو د حل، د هغوی د حقونو د تأمین او د ټولنیز ثبات په برخه کې خپلو هڅو ته دوام ورکوي، څو د شرعي اصولو په رڼا کې د خلکو ستونزو ته رسېدنه وشي.
