د روزګان ولايت مرافعه محکمې رئيس په مشرۍ د رؤیت هلال هيئت د غړو ترمنځ د همغږۍ غونډه وشوه
د روزګان ولایت د مرافعه محکمې عمومي رئیس الحاج شیخ محمود (ابوالفیض) په مشرۍ د یاد ولایت د مقام، امربالمعروف، نهی عن المنکر او شکایاتو اورېدو او د نظامي محکمې استازو، د علماوو شورا، حج او اوقافو، پوهنې او د فقې مجالسو رئیسانو په ګډون، په ۲۳ /۴ /۱۴۴۷۸هـ ق نېټه د همغږۍ غونډه وشوه.
غونډه د نظامي محکمې د مفتي مولوي محمد یوسف آغا لهخوا د قرآنکریم د څو مبارکو آیاتونو په تلاوت پیل شوه؛ ورپسې د مرافعه محکمې رئیس د رؤیت هلال هیئت ټولو راغلو غړو ته ښه راغلاست ووایه او د سترې محکمې د (۸ /۴ /۱۴۴۸هـ ق) نېټې (۵۴۷/ ۳۸۲) ګڼه متحدالمآل يې تشرېح کړ.
نوموړي ټینګار وکړ، چې د رؤیت هلال هیئت ټول غړي باید د دغه هیئت په میاشتیو ناستو کې ګډون وکړي او ټول دې دغه برخې ته جدي توجه وکړي.
محترم الحاج شیخ محمود (ابوالفیض) د رؤیت هلال هیئت ټولو غړو ته وویل، چې تاسې باید د ولسوالۍ د رؤیت هلال هیئت ته جدي ټینګار وکړئ، چې په هره میاشت کې باید د دغه هیئت په ناستو کې ګډون ولري.
په پای کې د رؤیت هلال هیئت ټولو غړو ژمنه وکړه، چې ستاسې ټولې سپارښتنې به عملي کوو او پر خپل وخت به د رؤیت هلال هيئت په ناستو کې ګډون کوو.
غونډه د علماوو شورا رئیس لهخوا د دعاء په ویلو پای ته ورسېده.
