د زابل ولایت د شهر صفا ولسوالۍ د ابتدائيه محکمې په هڅو د مقتول د کورنۍ لخوا قاتل ته بښنه وشوه
د زابل ولايت د شهر صفا ولسوالۍ په جلدک او ترنک سيمه کې په ۲۳/ ۴/ ۱۴۴۵ هـ ق نېټه د يوې ترافيکي پېښې په پايله کې سيد عالم د معلم سيد رسول زوى، د امیرخان لمسى د زابل ولایت د شهر صفا ولسوالۍ د ايوب کلي اوسېدونکى، د سيد کريم د محمد نسيم زوى، د غلام محمد لمسى د کندهار ولايت د دامان ولسوالۍ د رنجوي کلي اوسېدونکي لخوا د سراچې موټر په واسطه په شهادت ورسول شو.
ياده پېښه په ۲۷/۴/۱۴۴۵ هـ ق نېټه د شهر صفا ولسوالۍ ابتدائيه محکمې ته د دغه ولايت د ترافيکو مديریت لخوا راجع شوه او د زابل ولايت شهر صفا ولسوالۍ د ابتدائیه محکمې مسؤولینو، علماء کرامو په ډېرو هلو ځلو د دامان ولسوالۍ د قومي مشرانو په منځګړيتوب ياده د قتل موضوع په بښنې سره پای ته ورسېده.
ياده فيصله د شهر صفا ولسوالۍ د ابتدائيه محکمې لخوا تائيد او موضوع يې په ۲۹/۴/۱۴۴۵ هـ ق نېټه خلاصه شوه.
