د فراه ولايت د مرافعه محکمې عمومي رئیس د ياد ولايت له عمومي محبس څخه ليدنه وکړه
د ١٤٤٥ هـ ق کال د ربيع الاول مياشتې په ٣٠مه نېټه د فراه ولایت د مرافعه محکمې عمومي رئیس الحاج مولوي محمد گل (صیاد) او ورسره مولوي محمد اسماعیل (منصور) د دې ولایت د مرافعه محکمې د جزا دېوان رئیس، مولوي حبیب الرحمن ( نافذ ) د جزا ، دېوان مفتي، مولوي عبد الرحمن (منیر) د جزا دېوان محرر او د تحریراتو آمر شفیع الله (مدثر) يو ځاى د ياد ولایت د مرکزي عمومي محبس څخه ليدنه وکړه.
په ياده ليدنه کې د ماشومانو، نارينه وو، ښځينه وو او په نشه يي موادو روږدو له زندانونو څخه ليدنه وشوه، د يادې ليدنې په ترڅ کې څرګنده شوه چې د ماشومانو بندياتو شمېر (۶۰) تنه، د نارينه وو شمېر (٢٠٠) تنه او د ښځينه وو شمېر (٤٠) تنه ده. په ياده ليدنه کې له ټولو بنديانو څخه پوښتنې وشوې، د مسٶلينو له برخورد او رفتار څخه تر ډېره حده خوښ او راضي وو، د کومو بنديانو چې دوسيې نه وي راغلي دوسيې يې مرافعه محکمې ته وغوښتل شوې، د کومو بنديانو چې د قيد موده زياته وو د ځانګړې ترحم او شفقت له مخې يې دوسيې د جنوب غرب زون د تميز عالي مقام ته ولېږل شوې.
د يادې ليدنې په پاى کې د ټولو بنديانو ستونزې واورېدل شوې، د زندان مسٶلينو ته لازمې لارښوونې او سپارښتنې وشوې او د زندان د آمر هڅې د بنديانو د اصلاح او رفتار په برخه کې وستايل شوې.
