د پکتيا د ښاري ابتدائيه محکمې د عمومي رئيس په مشرۍ اداري غونډه ترسره شوه
د روان ۱۴ /۵ /۱۴۴۵ هـ ق نېټه د پکتیا ولایت د ښاري ابتدائیه محکمې د عمومي رئيس محترم مولوي محمد رحيم (نعماني) په مشرۍ او د ښاري محکمې د دېوانونو د قضاتو او اداري کارکوونکو په شتون کې اداري غونډه ترسره شوه.
ياده غونډه د قرآنکريم د څو مبارکو آياتونه په تلاوت پيل شوه؛ ورپسې د ښاري محکمې عمومي رئيس ګډونوالو ته ښه راغلاست ووايه او وویل، ټول قضات بايد د قاضي اوصاف ولري، نوموړي د کارکوونکو د حاضرۍ پر پابندۍ او د چارو پر شفافيت ټينګار وکړ.
همداراز په ياده غونډه کې د راپورنو پر ترتیب او یو شمېر نورو موضوعاتو هم خبرې وشوې.
غونډه د دعاء په ويلو سره پای ته ورسېده.
