د خوست ولایت د مرافعه محکمې د دعوت او ارشاد آمر د معرفت غونډه وشوه

د خوست ولایت د مرافعه محکمې د دعوت او ارشاد آمر مولوي حمیدالله (شهاب) د مرافعه محکمې عمومي رئیس محترم مفتي امین الله (منیب) لخوا په ۵ /۶ /۱۴۴۶ هـ ق نېټه اړوند مسؤولینو او منسوبینو ته ور وپېژندل شو.  
په دې تړاو جوړه شوې غونډه کې د خوست ولایت د مرافعه محکمې مرستیال مولوي محمد (مدني)، د ښاري ابتدائیه محکمې رئیس مولوي نقیب الله (ذاکر)، د مرافعه محکمې د عامه امنیت دېوان رئيس مولوي محمد عالم (حذیفه)، د یادې محکمې د مدني دېوان رئیس مولوي امیرمحمد (ایثار)، د ښاري ابتدائیه محکمې د مدني دېوان رئیس مولوي حکمت الله (مزمل)، د وثايقو، حقوقو او تحریراتو آمرینو، د امنیتي قطعې عمومي قوماندان مولوي افتخار (احمد) او نورو مسؤولینو او منسوبینو ګډون درلود.
د غونډې په پیل کې د مرافعه محکمې عمومي رئیس وينا وکړه وويل  مسؤولیت یوه الهي ازموینه ده، په دغه آزموینه کې د بريا لپاره باید هر کار د الله تعالی د رضا په خاطر په ښه ډول ترسره کړئ.
ورپسې نوي معرفي شوي آمر ډاډ څرګند کړ چې ورسپارل شوې دنده او مسؤولیت به په ښه ډول ترسره کړي او زیاته یې کړه، الحمدلله چې څښتن تعالی موږ ته له ډېرو قربانیو او ناخوالو وروسته اسلامي نظام را په برخه کړ، اوس د ملت د هوساینې وخت رارسېدلی، ټول باید په ګډه د ملت د هوساینې لپاره کار وکړو.
غونډه د دعاء په ویلو پای ته ورسېده.