د فراه ولايت محاکمو په يوه مياشت کې (۳۸۱) دوسیو ته پر رسېدنه سربېره، (۴۱۰) وثیقې هم اجرا کړې دي

د فراه ولايت د مرافعه محکمې، ښاري ابتدائیه محکمې، وثايقو او د ټولو ولسواليو ابتدائیه محاکمو په يوه مياشت کې له (۱۳/ ۱۰/ ۱۴۴۵هـ ق نېټې څخه تر ۱۱/ ۱۱/ ۱۴۴۵ هـ ق نېټې) پورې (۳۸۱) دوسيو ته پر رسېدنه سربېره، (۴۱۰) وثيقې هم اجرا کړې دي، چې جزئيات يې په لاندې ډول دي:
په حقوقي برخه کې:
د فراه ولایت محاکمو ته په يوه مياشت کې (۱۹۱) حقوقي دوسیې واردې شوې، په داسې حال کې چې مخکې هم یو شمېر دوسیې موجودې وې.
له دې جملې څخه (۲) دوسیې مکتوبي مستردې شوې، د (۶۷) دوسیو په اړه قضائي قرارونه صادر شوي، (۷۲) دوسیې فیصله شوې او پاتې دوسيې تر کار لاندې دي.
په جزائي برخه کې:
د فراه ولایت محاکمو ته په يوه مياشت کې (۳۲۳) جزائي دوسیې واردې شوې، په داسې حال کې چې مخکې هم یو شمېر دوسیې موجودې وې.
له دې جملې څخه (۶) دوسیې مکتوبي مستردې شوې، د (۹۲) دوسیو په اړه قضائي قرارونه صادر شوي، (۱۴۲) دوسیې فیصله شوې او پاتې دوسيې تر کار لاندې دي.
د وثيقو برخه کې:
د فراه ولايت محاکمو په يوه مياشت کې (۴۱۰) بېلا، بېلې وثيقې هم اجرا کړې دي.