د میدان وردګ ولایت محاکمو په دوو اونیو کې د (۱۲۰) دوسیو پر حل او فصل سربېره (۱۹۰) وثیقې هم اجرأ کړې دي

په دغه راپور کې له / ۱۶/۸ /۱۴۴۴ څخه تر۲۹ /۸ /۱۴۴۴ هـ ق نېټې د میدان وردګ ولایت د مرافعه محکمې، د ښاري ابتدائیه محکمې او ولسوالیو د ابتدائیه محاکمو د تېرو دوو اونیو حقوقي، جزائي او تجارتي اجراآت شامل دي.

په حقوقي برخه کې:

په تېرو دوو اونیو کې (۹۰) حقوقي دوسیې د میدان وردګ ولایت اړوند محاکمو ته راجع شوې دي؛ په داسې حال کې چې مخکې  هم یو شمېر دوسیې موجودې او تر دوران لاندې وې.

له دې جملې څخه (۱۸) دوسیې مکتوبي مستردې شوې، (۵۰) دوسیې د قضائي قرار په وسیله اجرأ شوې، (۲۸) دوسیې فیصله شوې او پاتې نورې دوسیې تر کار لاندې دي.

په جزائي برخه کې:

په تېرو دوو اونیو کې (۱۷)جزائي دوسیې محاکمو ته راجع شوې دي؛ په داسې حال کې چې مخکې هم یو شمېر دوسیې موجودې او تر دوران لاندې وې.

له دې جملې څخه (۳) دوسیې مکتوبي مستردې شوې، (۸) دوسیې د قضائي قرار په وسیله اجرأ‌ شوې، (۱۲) دوسیې فیصله شوې او پاتې نورې دوسیې تر کار لاندې دي.

په تجارتي برخه کې:

په تېرو دوو اونیو کې په تجارتې برخه کې هېڅ دوسیه محاکمو ته نه ده راجع شوې؛ په داسې حال کې چې مخکې (۳) دوسیې موجودې او تر دوران لاندې وې.

له دې جملې څخه (۱) دوسیه فیصله شوې او پاتې دوسیې تر کار لاندې دي.

دغه راز په یاده موده کې (۱۹۰) بېلا بېل وثایق هم اجراء شوي  دي.