د هلمند د مرافعه محکمې د رئیس په مشرۍ اداري غونډه ترسره شوه
د ١٤٤٥ هـ ق کال د ربيع الثاني مياشتې په ٢مه نېټه د هلمند ولایت د مرافعه محکمې ریاست په مقام کې د مرافعه محکمې د عمومي رئیس محترم مولوي محمد نبي (حماس) په مشرۍ اداري غونډه ترسره شوه.
په یاده اداري غونډه کې د مرافعه محکمې د ټولو دېوانونو رئیسانو، مفتیانو، محریرینو او د تحریراتو عمومي امر ګډون درلود.
غونډه د قرآنکریم د څو مبارکو آیاتونو په تلاوت پیل شوه، ورپسې محترم مولوي محمد نبي (حماس) د غونډې ګډونوالو ته اجنډا او د مرافعه محکمې اړوند د برابچي ولسوالۍ ابتدائیه محکمې څخه راغلى د استهداء متن یې بيان کړل.
د غونډې ګډنوالو له بحث وروسته د یادې استهداء ځواب ووایه.
دغه راز په یاده اداري غونډه کې د محترم مولوي محمد نبي (حماس) له لوري راغلو ګډونوالو ته د یو شمېر ضروري مواردو په تړاو لازم هدایت او سپارشتنې وشوې او غونډه د دعا په ویلو سره پای ته ورسېده.
