د غزني ولايت محاکمو د مسؤولينو په هڅو د قتل درې موضوعات حل او فصل شول
د غزني ولايت مرافعه محکمې رئيس په لارښوونه او د آبند ولسوالۍ ابتدائيه محکمې مسؤولينو په هڅو، په ۱۹/ ۹/ ۱۴۴۶هـ ق نېټه د دوو کليو ترمنځ درې د قتل او درې د زخمي کېدو موضوعات حل شول او د مقتولينو کورنۍ قاتلينو ته بخښنه وکړه.
دغه موضوعات د يوه ګډ پلاوي چې په جوړښت کې یې د یادې ولسوالۍ ولسوال، امنيه قوماندان، د استخباراتو مرستيال هم ګډون درلود، حل او فصل شول.
د دغه پلاوي د هڅو په پایله کې د دواړو لوريو ترمنځ روغه وشوه او د قتل یاد موضوعات په رسمي ډول پای ته ورسېدل.
