د لغمان ولایت د مرافعه محکمې رئیس د یاد ولایت له ښاري ابتدائیه محکمې څخه لیدنه وکړه

د لغمان ولایت د مرافعه محکمې عمومي رئیس الحاج شیخ سخی الرحمن (فایز)؛ د ۱۴۴۸هـ ق کال د صفرالمظفر میاشتی په ۲مه نېټه، د یاد ولایت له ښاري ابتدائیه محکمې څخه لیدنه وکړه.
د مرافعه محکمې رئیس د یادې محکمې د دېوانونو قاضي صاحبانو او منسوبینو سره په ليدنه کې وویل، خپلو دندو ته په پابندۍ سره دوام ورکړئ، کارونه مو په دقت او ځیرکتیا سره په شفافه توګه د اسلامي شریعت په رڼا کې ترسره کړئ، کوم خلک چې تاسو ته مراجعه کوي له هغوی سره نېک او اسلامي چلند وکړئ، خبرې او شکایتونه یې په صبر، زغم  او پراخې حوصلې سره واورئ.
دغه راز د مرافعه محکمې رئیس د ښاري ابتدائیه محکمې د قضائي او اداري منسوبینو غوښتنې او اړتیاوې واورېدې؛ د اړتیاوو د پوره کولو ډاډ یې وکړ.