د بلخ محاکمو په دوو اونيو کې د (٣٨٣) دوسیو پر حل او فصل سربېره، (١٧٨) وثیقې هم اجرا کړې دي
د بلخ ولايت مرافعه محکمې، د زون نظامي محکمې، ښاري ابتدائیه محکمې او د ټولو ولسواليوو ابتدائیه محاکمو په دوو اونيو کې له( ۱۳/ ۴/ ۱۴۴۵هـ ق نېټې څخه ۲۵/ ۴/ ۱۴۴۵ هـ ق) نېټې د (۳۸۳) دوسيو پر حل او فصل سربېره، (۱۷۸) وثيقې هم اجرا کړې دي، چې جزئيات يې په لاندې ډول دي.
په حقوقي، مدني او تجارتي برخو کې:
د بلخ ولایت محاکمو ته په دوو اونيو کې (٢١٥) بېلا بېلې حقوقي، مدني او تجارتي دوسیې واردې شوې دي، په داسې حال کې چې مخکې هم یو شمېر دوسیې موجودې وي.
له دې جملې څخه (٥٤) دوسیې فیصله شوې، (١٥) دوسیې مکتوبي مستردې شوې، د (١٧٢) دوسیو په تړاو قضائي قرارونه صادر شوي او پاتې دوسيې تر کار لاندې دي.
په جزائي برخه کې:
د بلخ ولایت محاکمو ته په دوو اونيو کې (١٤٥) جزائي دوسیې واردې شوې دي، په داسې حال کې چې مخکې هم یو شمېر دوسیې موجودې وي.
له دې جملې څخه (٥٠) دوسیې فیصله شوې، (١١) دوسیې مکتوبي مستردې شوې، د (٨١) دوسیو په تړاو قضائي قرارونه صادر شوي او پاتې دوسيې تر کار لاندې دي.
د وثيقو برخه کې:
د بلخ ولايت محاکمو په دوو اونيو کې (١٧٨) بېلا بېلې وثيقې هم اجرا کړې دي.
د تحریرات ریاست اداري برخه کې:
د مرافعه محکمې تحریراتو ریاست ته په دوو اونیو کې (٢٣٩) عریضې وړاندې شوې، چې په لنډ وخت کې ورته رسېدنه شوې ده.
دغه راز د افغانستان اسلامي امارت د محترم مشرتابه عالي مقام فرمانونه او مصوبې، د سترې محکمې د عالي مقام متحدالمآلونه او مکتوبونه په ټاکلي وخت اجرا شوي او ټولو اړوند محاکمو ته استول شوي دي.
په دوو اونیو کې د بلخ مرافعه محکمې د تحریراتو په وارده او صادره کتاب کې (٣٧٨) مکتبونه وارد او صادر شوي دي.
