د قضائيه قوې د محاکمو امنيتي او اجرائيوي چارو عمومي رياست منسوبينو سره د دعوت او ارشاد غونډه ترسره شوه
ياده غونډه د روان ۱۴۴۵هـ ق کال د جمادی الثانيه میاشتې په ۱۰مه نېټه د قضائيه قوې د محاکمو امنيتي او اجرائيوي چارو عمومي رياست اړوند د قضائيه قوي د ملکي محاکمو امنيتي قطعاتو عمومي قوماندانۍ د دعوت او ارشاد آمريتونو ته د دعوت او ارشاد د دندو او مسؤوليتونو د ورسپارلو په موخه جوړه شوه.
په دې غونډه کې د سترې محکمې د دعوت او ارشاد رياست رئيس مولوي عبدالعزیز میوندي، د ياد رياست مدرس، د قضائيه قوې د امنيتي او اجرائيوي چارو رياست د دعوت او ارشاد مدير، د ياد عمومي رياست د قوماندانۍ د دعوت او ارشاد مدرس او نورو غړو ګډون درلود.
د دعوت او ارشاد په دې غونډه کې د امنيتي او اجرائيوي چارو عمومي رياست ټولو منسوبينو ته د جماعت پر پابندۍ، د صورت او سيرت برابرولو، د مجاهدينو د زده کړو، د دعوت او ارشاد د نصاب د تدريس او له بيت المآل سره د احتياط او اړوندو موضوعاتو په اړه اصلاحي بيانونه، لازمې لارښوونې او سپارښتنې وشوې.
ياده غونډه د دعاء په ویلو سره پای ته ورسېده.
