د هلمند ولايت د مرافعه محکمې د رئيس په مشري يو پلاوي د باباجي ولسوالۍ له ابتدائيه محکمې ليدنه وکړه
چهارشنبه ۱۴۴۵/۱/۲ هـ ق نېټه د هلمند ولايت د مرافعه محکمې د رئيس مولوي محمد نبي حماس صاحب په مشرۍ يو پلاوي د ياد ولايت د باباجي ولسوالۍ له ابتدائيه محکمې ليدنه ترسره کړه.
حماس مولوي صاحب ولسوالۍ ته له رسېدو سره سم د يادې محکمې له محبس څخه ليدنه وکړه، چې د بنديانو د وضعیت او د هغوی د فیصلو پوښتنه يې وکړه.
وروسته يې د يادې ولسوالۍ د ابتدائيه محکمې په انګړ کې د باباجي ولسوالۍ له ولسوال، امنیه قوماندان او د استخباراتو له مدير سره ګډ تفاهمې مجلس وکړ، چې د يادې ولسوالۍ د شته مشکلاتو په اړه هر اړخيزې خبرې شوې، چې د يو او بل له لوري د همکارۍ ډاډ ورکړل شو.
