د ننګرهار ولايت ښاري ابتدائیه محکمې رئيس د یاد ولايت له زندان څخه ليدنه وکړه

m_admin
سه‌شنبه ۱۴۰۵/۳/۱۲ - ۱۰:۱۳
د ننګرهار ولايت ښاري ابتدائیه محکمې رئيس د یاد ولايت له زندان څخه ليدنه وکړه

د ننګرهار ولايت ښاري ابتدائیه محکمې رئیس محترم مولوي سلطان محمد (رباني) په مشرۍ؛ د ښاري ابتدائیه محکمې د عامه امنیت دېوان رئیس مولوي ضیاءالحق (عکرمه) او د جزا دېوان رئیس مفتي امین ګلاب (امین) په ملتيا، د ۱۴۴۷هـ ق د ذوالقعدې په ۳۰مه نېټه د ننګرهار ولايت د زندانونو چارو د سمون ریاست څخه لیدنه وکړه.

یاد هيئت په پيل کې د توقیف خونې او ټولو بلاکونو څخه له نږدې لیدنه وکړه، د محبوسینو غوښتنې او ستونزې یې په مستقیم ډول واورېدې او هغوی ته یې ډاډ ورکړ، چې قانوني غوښتنې به یې له اړوندو مسؤولینو سره شریکې او د اصولو سره سم به ورته عاجله رسېدنه وشي.

دغه هيئت د بندیانو د ژوند د شرایطو د ښه کولو او هغوی ته د لازمو اسانتیاوو د برابرولو په موخه د زندانونو چارو د سمون ریاست له رئیس او نورو مسؤولینو سره خبرې وکړې او د هر اړخیزې همکارۍ غوښتنې ترڅنګ يې ورته لازمې سپارښتنې وکړې.

د لیدنې په دوام یاد هيئت د دغه ریاست د کوچنیانو له ځانګړې څانګې څخه لیدنه وکړه؛ د هغوی د درس، روغتیا او استراحت ځایونه يې له نږدې وکتل، الحمدلله په دې برخه کې يې کومې ستونزې نه درلودې.

دغه راز د کوچنیانو د څانګې مسؤولینو ته سپارښتنه وشوه، چې له ماشومانو سره د ښې او انساني رویې ترڅنګ، د هغوی د زده کړو او تعلیم په بهیر کې لا زیات کوښښ او هڅې وکړي.

تازه خبرونه

شنبه ۱۴۰۵/۸/۱۶ - ۱۱:۰
Background image

د کندهار ولایت مرافعه محکمې رئیس د یاد ولايت سپين بولدک او تخته پل ولسواليو له ابتدائیه محاکمو څخه ليدنه وکړه

د کندهار ولایت مرافعه محکمې رئیس محترم شیخ محمد (محمدي) د مرافعه محکمې عامه امنيت دېوان رئيس مولوي عبدالجبار (آغا) په ملتیا، په ۲۰/ ۵/ ۱۴۴۸هـ ق نېټه د کندهار ولايت د سپين بولدک او تخته. . .

شنبه ۱۴۰۵/۸/۱۶ - ۱۰:۳۸
Background image

د پکتیکا ولایت محاکمو په یوه میاشت کې (۳۰۰) دوسیو ته پر رسېدنه سربېره (۱۷۷) وثیقې هم اجرا کړې دي

د پکتیکا ولايت مرافعه، وثايقو، ښاري ابتدائیه او د ټولو ولسواليو ابتدائیه محاکمو په يوه مياشت کې (له ۱/ ۴/ ۱۴۴۸ هـ ق څخه تر ۲۹ /۴/ ۱۴۴۸هـ ق) نېټې پورې (۳۰۰) دوسيو ته رسېدنه کړې او (۱۷۷). . .

پنجشنبه ۱۴۰۵/۸/۱۴ - ۱۱:۳۷
Background image

د سترې محکمې قضائي مرستیال د یوه پلاوي په مشرۍ ميدان وردګ ولایت ته سفر وکړ

د سترې محکمې قضائي مرستیال محترم شیخ محمد قاسم (راسخ) صاحب، د تدقیق او مطالعاتو عمومي رئیس محترم مفتي محمد ابراهیم جان (ابوالحفاظ) او د قضائي معاونيت مستشار محترم مفتي احمد سعید په. . .

بیا په خبرونو کی