د پکتيا ولايت ښاري ابتدائیه محکمې رئيس په مشرۍ اداري غونډه وشوه

د پکتیا ولایت ښاري ابتدائیه محکمې رئیس محترم مولوي محمد رحیم (نعماني) په مشرۍ؛ د ابتدائیه محکمې د دېوانونو قضائي غړو او اداري کارکوونکو په ګډون، په ۲۳/ ۶/ ۱۴۴۷ هـ ق نېټه اداري غونډه شوه.
غونډه د شیخ نور بادشاه (انس) لخوا د قرآنکریم د څو مبارکو آیاتونو په تلاوت پیل شوه؛ ورپسې د اجنډا د موضوعاتو په اړه هر اړخیز بحث وشو، د قضائي او اداري چارو د لا ښه‌والي په موخه د مسؤولینو نظرونه واورېدل شول او په اړه يې اړینې لارښوونې وشوې.
د غونډې په دوام د قوانینو، طرزالعملونو او اداري نظم د مراعاتولو پر اهمیت ټینګار وشو.
دغه راز د ښاري ابتدائیه محکمې رئیس ګډونوالو ته لاندې سپارښتنې وکړې:
１.    ټول قضائي او اداري کارکوونکي باید ځانونه په مسنونه طریقه برابر کړي، د لمانځه او نورو الهي اوامرو پابندي وکړي.
２.    ټول متحدالمآلونه باید په دقیقه توګه مطالعه شي او د هغو مطابق اجراآت وشي.
３.    راجع شوي مکتوبونه باید په ټاکلي وخت سره ځواب شي او اړوندې مرجع ته ولېږل شي.
４.    په رسمي وخت کې د خلکو کارونو ته پوره پاملرنه وکړئ، تر څو د خلکو کارونه د عاليقدر امیرالمؤمنين (حفظه‌الله تعالی) د فرمان مطابق حل او فصل شي.
５.    ټولې دوسیې باید په دقیقه توګه مطالعه او وڅېړل شي، املایي او نور تېروتنو ته یې باید پوره پاملرنه وشي.
د غونډې په پای کې د ټولو علماء کرامو او کارکوونکو نظرونه واورېدل شول او غونډه د دعاء په ویلو پای ته ورسېده.