د ميدان وردګ ولایت د مرافعه محکمې رئيس د یاد ولايت د اوو ولسواليو له ابتدائيه محاکمو څخه ليدنه وکړه
د میدان وردګ ولایت د مرافعه محکمې عمومي رئیس محترم عبدالله (فرقاني) د یادې محکمې د تحریراتو د آمر په ملتیا د روان ۱۴۴۶ هـ ق کال د ربیع الثاني میاشتې په ۱۴مه نېټه د دغه ولایت د دایمیرداد، جغتو، سيدآباد، جلريز، نرخ، مرکز بهسود او د حصه اول ولسواليو له ابتدائيه محاکمو د چارو د نظارت په موخه یادو ولسوالیو ته سفر وکړ.
د مرافعه محکمې رئيس په دې لیدنه کې د یادو محاکمو له قضائي او اداري برخو څخه ليدنه وکړه، د محاکمو چارې یې وارزولې، د کارونو د چټکتيا او دوسيو ته پر خپل وخت د رسېدو په موخه يې اړوند مسؤولينو ته لازمې سپارښتنې وکړې.
د ابتدائيه محاکمو څخه د ليدنې یاد سفر په ۱۸/ ۴/ ۱۴۴۶ هـ ق نېټه پای ته ورسېد.
