د سترې محکمې د مرکزي ریاستونو یو شمېر اداري کارکوونکو ته د کمپیوټر زده کړې روزنیز پروګرام پای ته ورسېد
د سترې محکمې د وړتیاوو لوړونې او اجراآتو د ارزونې ریاست لخوا د مرکزي ریاستونو یو شمېر کارکوونکو ته د کمپیوټر د اساسي مهارتونو د زده کړې ۴۰ ورځنی پروګرام پای ته ورسېد.
یاد ریاست د خپلو روزنیزو پروګرامونو په دوام دا ځل د سترې محکمې د مرکزي ریاستونو اړوند ۱۲ کارکوونکو ته د (کمپیوټر اساسي مهارتونو، Microsoft Word) روزنیز پروګرام پیل کړی و.
په دغه روزنیز پروګرام کې چې څه باندې ۴۰ ورځې یې دوام درلود د سترې محکمې د مرکزي ریاستونو اړوند ۱۲ کارکوونکو ته د کمپیوټر پر اساسي مهارتونو سربېره د Microsoft Word پروګرام تدریس شو.
یاد روزنیز کورس چې د روان کال د جمادی الثاني میاشتې په ۱۰مه نېټه پیل شوی و د رجب المرجب میاشتې په ۲۰مه نېټه پای ته ورسېد.
د دغه روزنیز پروګرام په پای کې فارغینو ته تصدیق پاڼې هم ووېشل شوې.
