د لغمان ولایت د مرافعه محکمې رئیس په مشرۍ د رؤیت هلال هیئت غونډه وشوه
د لغمان ولایت د مرافعه محکمې رئیس، شیخ سخي الرحمن (فایز)، په مشرۍ د ۱۴۴۸هـ ق کال د ربیع الآخر میاشتې په ۲۴مه نېټه د رؤیت هلال هیئت د غړو ترمنځ د همغږۍ غونډه وشوه.
د غونډې په پیل کې د مرافعه محکمې رئیس ټینګار وکړ، چې له دې وروسته باید د هیئت هېڅ غړی غیرحاضر نه شي او د میاشتې لیدلو لپاره په خپلو ټاکل شویو ځایونو کې حاضر وي؛ ځکه چې دا د عالیقدر امیرالمؤمنین (حفظهاللهتعالی) فرمان دی.
همدارنګه، د هیئت له غړو وغوښتل شول، چې په ولسوالیو کې خپلو اړوندو غړو ته د هیئت په غونډو او د میاشتې لیدلو په پروسه کې د منظم ګډون او پابندۍ په اړه لازمې لارښوونې وکړي.
د غونډې په پای کې ګډونوالو ډاډ څرګند کړ، چې خپل مسئولیتونه به په پوره صداقت او ایماندارۍ سره ترسره کوي.
