د سترې محکمې د عامه امنیت دېوان رئیس د یو شمېر جزائي دوسیو په اړه د وروستیو څېړنو په موخه بلخ ولایت ته سفر وکړ

د سترې محکمې د عامه امنیت دېوان رئیس محترم مفتي عبدالرحمن (عزیزي) چې د یاد دېوان مستشار مفتي قدرت الله (سیرت) یې ملتیا کوله، د مرکزي تمیز عالي ریاست په هدایت د روان ۱۴۴۶ هـ ق کال د شعبان المعظم میاشتې په ۲۳مه نېټه، بلخ ولایت ته د درې ورځني رسمي سفر پر مهال د درېیو دوسیو په اړه وروستۍ څېړنۍ بشپړې کړې.
د عامه امنیت دېوان رئیس د دغه سفر پر مهال د بلخ ولایت د مرافعه محکمې له رئیس او د عامه امنیت دېوان له قضائي غړو سره لیدنه کې د یادو دوسیو اړوند تفصیلي خبرې وکړې.
دغه راز محترم مفتي عبدالرحمن (عزیزي) د دغه دوسیو جانبینو سره هم وکتل او له هغوی یې لازم تحقیقات ترسره کړل.
د سترې محکمې یاد پلاوي د دغه سفر پر مهال راټول کړي معلومات او څېړنې د سترې محکمې مرکزي تمیز عالي ریاست له مقام سره شریک کړل.