د سترې محکمې د دعوت او ارشاد ریاست پلاوي د بغلان ولايت د مرافعه محکمې لپاره د دعوت او ارشاد برخې آمر وټاکه
د سترې محکمې د دعوت او ارشاد رياست رئيس محترم حافظ مولوي عبدالعزيز (ميوندي) په مشرۍ د یاد رياست پلاوي د روان ۱۴۴۶ هـ ق کال د ربيع الاول مياشتې په ۲۹ مه نېټه بغلان ولایت ته د سفر پر مهال د یادو ولایت مرافعه محکمې لپاره د دعوت او ارشاد برخې آمر وټاکه.
د دعوت او ارشاد ریاست پلاوي په دې موخه له څو علماء کرامو څخه آزموینه واخیسته او د دوی له ډلې يې یو ممتاز کس د بغلان ولایت د مرافعه محکمې لپاره د دعوت او ارشاد برخې د آمر په حیث وټاکه.
دغه راز یاد پلاوي د خپل سفر پر مهال د یاد ولايت د مرافعه، ښاري ابتدائیه محاکمو له مسؤولینو او منسوبینو او دغه راز د نظامي قطعې له منسوبینو سره جلا، جلا اصلاحي غونډې وکړې.
په دې اصلاحي غونډو کې د ياد پلاوي لخوا ټولو ګډونوالو ته د تقوا، اخلاص، ور سپارل شوي مسؤوليتونه په ښه ډول سرته رسولو او د اسلامي امارت د بقا لپاره د خدمت اړوند مهمې او ارزښتناکې ويناوې وشوې.
