د لوګر ولايت د ښاري ابتدائيه محکمې د مسؤولينو په هڅو د دوو کورنيو ترمنځ سوله وشوه
د لوګر ولايت د ښاري ابتدائيه محکمې د مسؤولينو په هڅو؛ د قومي مشرانو او علماء کرامو په منځګړيتوب په ۳۰/ ۶/ ۱۴۴۶ هـ ق نېټه د قتل موضوع حل او د دواړو کورنيو ترمنځ دښمني په دوستۍ بدله شوه.
ياده د قتل موضوع د لوګر ولايت مرکز اړوند د هوني سيدان او پاد خواب کليو ترمنځ پېښه شوې وه؛ چې ښاري ابتدائیه محکمې ته تر راجع کېدو وروسته په پوره غور وڅېړل شوه، د سيمې د مشرانو او علماء کرامو په منځګړيتوب او د ښاري محکمې د مسؤولينو په نېکو توصيو یاده موضوع حل شوه.
