رئیس محکمهٔ مرافعهٔ ولایت جوزجان با والی و سایر مسؤولین آن ولایت ملاقات نمود
محترم الحاج مولوی عبدالغنی (سعید) رئیس عمومی محکمهٔ مرافعهٔ ولایت جوزجان؛ با محترم قاری گل حیدر (شفق) والی ولایت جوزجان، محترم مولوی عبد الولی (اتقانی) قوماندان امنیه، قاری یاسین (وقاص) رئیس امر بالمعروف و نهی عن المنکر، احمد جاوید (طه) رئیس نظارت و تعقیب فرامین، نماینده ریاست استخبارات و نماینده ریاست معارف به تاریخ ۱۹ /۷ /۱۴۴۶ هـ ق در دفتر کاری اش ملاقات نمود.
در این دیدار ابتداء رئیس محکمهٔ مرافعهٔ تشریف آوری والی و مسؤولین آن ولایت را خوش آمدید و خیر مقدم گفت؛ سپس والی ولایت در رابطه به هماهنگی ادارات، حمایت از محاکم و تطبیق فیصله های محاکم وعده سپرد افزود، که مسؤولین ولایت از محبس ولایت در دو یا سه ماه یک بار دیدن خواهند نمود.
در ادامه اين جلسهٔ رئیس محکمهٔ مرافعهٔ همچون جلسات در بین ادارات را یک گام مثبت و نیک در راستای امورات خلق الله خواند گفت، امورات محاکم جوزجان الحمدلله طبق اصول شریعت اسلامی و فرامین امارت اسلامی میباشد، از حقوق مردم منطقه و بیچاره دفاع میکند، بالای قاتلین و مجرمین فیصله خود را در اسرع وقت صادر می نمایند و حق را به حق دار میرسانند.
در اخير اين جلسهٔ ديگر مسؤولین ولایت جوزجان نیز از فعالیت ها و کارکردهای شان گزارش ارایه و اطمینان دادند، که در راستای تطبیق وظایف خويش با همکاری مردم نهایت تلاش خواهند نمود.
