د ننګرهار ولایت د حقوقو آمريت په دوو اونيو کې (۱۵۵) عرضپاڼو او دوسيو ته رسېدنه کړې ده
د سترې محکمې د حقوقو عمومي ریاست اړوند د ننګرهار ولايت د حقوقو آمريت په دوو اونيو کې له (۱/ ۹/ ۱۴۴۶هـ ق څخه تر ۱۵/ ۹/ ۱۴۴۶هـ ق) نېټې پورې (۱۵۵) عرضپاڼو او دوسيو ته رسېدنه کړې ده؛ چې جزئيات يې په لاندې ډول دي.
د عرضپاڼو په برخه کې:
د ننګرهار ولايت د حقوقو آمريت په دوو اونيو کې د مدني، فاميلي او سوداګریزو دعواوو په برخه کې (۷۲) عرضپاڼو ته رسېدنه کړې ده.
له دې جملې څخه (۳۰) عرضپاڼې اصلاح او ابراء شوې، (۳۳) عرضپاڼې محاکمو ته لېږل شوې، (۸) عرضپاڼې نورو ادارو ته راجع شوې، (۱) عرضپاڼه حفظ شوې او پاتې عرضپاڼې تر اجراآتو لاندې دي.
د دوسيو په برخه کې:
د ننګرهار ولايت د حقوقو آمريت په دوو اونيو کې د مدني، فاميلي او سوداګریزو دعواوو په برخه کې (۸۳) دوسيو ته رسېدنه کړې ده.
له دې جملې څخه (۱۷) دوسيې تطبيق شوې، (۱۴) دوسيې محاکمو ته لېږل شوې، (۹) دوسيې نورو ادارو ته راجع شوې، (۴۳) دوسيې حفظ شوې او پاتې دوسيې تر اجراآتو لاندې دي.
