د لوګر ولايت مرافعه محکمې رئيس په مشرۍ د همغږۍ غونډه وشوه
د لوګر ولايت مرافعه محکمې رئيس الحاج شیخ محمد ګلاب (فاروقي) په مشرۍ، د مرافعه او ښاري ابتدائیه محاکمو د دېوانونو رئيسانو، قضائي غړو او د امنيتي ارګانونو استازو په ګډون، په ۲۱/ ۹/ ۱۴۴۷ هـ ق نېټه د همغږۍ غونډه وشوه.
غونډه د ښاري ابتدائیه محکمې د جزا دېوان مفتي محترم احمد (مستغفر) لخوا د قرآنکریم د څو مبارکو آیاتونو په تلاوت پیل شوه؛ ورپسې د مرافعه محکمې رئیس د استهداء (۳۳۵۴ شمېرې ۷ /۴ /۱۴۴۶ هـ ق او متحدالمآل ۳۲۸ شمېرې ۱۵/ ۵ /۱۴۴۶ هـ ق نېټې) مهم نکات د تطبیق او د استهداء اړوند نور ګڼ موضوعات د غونډې ګډونوالو سره شريک کړل.
په غونډه کې د هدایاتو په رڼا کې د بیت المال او شخصي اسلحو د تفکیک، تثبیت، ثبت، استملاک، استهلاک، سزا او د شخصي اسلحو جواز د شرايطو په تړاو بحث وشو.
د غونډې په دوام تر بحث او نظرونو له تبادلې وروسته یاد موضوعات او ځینې نور اړوند موارد د ورځنیو کړنو د تطبیق او چټکتیا، چارو ته د عاجلې رسېدنې او نهايي پایلې د اړوند ارګانونو له مسؤولینوسره شریکې او په اړه يې ورته لازمې لارښوونې وشوې.
د غونډې په وروستيو کې د مرافعه محکمې رئيس ته د امنیتي ارګانونو د مسؤولینو لخوا پوره ډاډ ورکړل شو.
غونډه د مرافعه محکمې جزا دېوان رئیس مولوي فضل الرحیم (عابد) په دعاء ویلو پای ته ورسېده.
