د خوست د مرافعه محکمې رئیس د یاد ولایت له مرکزي نظارت خانې څخه لیدنه وکړه
په ۸ /۷ /۱۴۴۵هـ ق نېټه د خوست ولایت د مرافعه محکمې رئیس الحاج مولوي امین الله(منیب)، د جزا دېوان رئيس مولوي محمد (مدني)، د امنیت عامه دېوان سرپرست رئیس مولوي بادشاه (جلالي) او د تحریراتو آمر ملا امین الله (حنفي) د خوست ولایت له مرکزي توقیف خانې څخه لیدنه وکړه.
د لیدنې په پیل کې یاد پلاوي د ټولو مظنونینو اومتهمینو څخه د نظارت خانې د امنیتي پولیسو د رفتار او برخورد او د اړتیاوو وړ توکو په اړه پوښتنې وکړې، چې ټول تر توقیف لاندې کسان د نظارت خانې د انتظام څخه خوښ وو.
د ليدنې په دوام ياد پلاوي د ټولو مظنونینو د موضوعاتو اجمالي راپور له ځان سره یادداشت او له اړوند محاکمو او ادارو سره یې شریک کړ.
د لیدنې په پای کې ياد پلاوي د نظارت خانې مسؤولينو ته د مظنونینو سره د ښه رفتار، سلوک او تر توقیف لاندې کسانو د اړتیاوو د پوره کولو په موخه لازمې لارښوونې وکړې.
