د پکتيا د مرافعه محکمې رئیس د یاد ولايت ځاځي آریوب ولسوالۍ له ابتدائیه محکمې څخه لیدنه وکړه

د پکتیا ولایت د مرافعه محکمې رئیس محترم مفتي عبیدالله (خالد) په ۲۳/ ۴/ ۱۴۴۶هـ ق نېټه د یاد ولايت د ځاځي آریوب ولسوالۍ له ابتدائیه محکمې څخه ليدنه وکړه. 
په دې ليدنه کې لومړی د مرافعه محکمې عمومي رئیس د یادې محکمې له رئیس مولوي نورالله (عرفان)، د حقوقو عمومي مدیر، د ځاځي آریوب ولسوالۍ مرستيال، د امنیه قوماندانۍ قوماندان، د استخباراتو مدیر، د امر بالمعروف نهی عن المنکر آمر او نورو اړوند مسؤولینو سره د لا ښې همغږۍ په موخه غونډه وکړه.
دغه راز محترم مفتي خالد د ځاځي آریوب ولسوالۍ ابتدائیه محکمې له قضائي او اداري چارو څخه څارنه او نظارت وکړ او د یادې محکمې قضائي غړو او اداري کارکوونکو ته یې د ځینو اړینو موضوعاتو په اړه لازم هدایات وکړل.
ليدنه او غونډه د دعا په ویلو پای ته ورسېده.