د پکتيا ولايت مرافعه محکمې رئيس د ياد ولايت عدليې رياست له اړوند پلاوي سره وکتل

د پکتیا ولایت مرافعه محکمې رئیس محترم مفتي عبیدالله (خالد) د ياد ولایت عدلیې له رئیس مولوي فاتح الله (فاتح)، د حقوقي مرستو آمر مولوي امین الله (حُسیني) او د یاد آمریت حقوقي مساعد مولوي صورت خان (مشفق) سره په ۱۴۴۶/۶/۲۹ هـ ق نېټه په خپل کاري دفتر کې وکتل.
په دې لیدنه کې د مرافعه محکمې رئيس د حقوقي مساعدینو، مدافع وکیلانو او د قضایای امارت اړوند په اړينو موضوعاتو هر اړخيزې خبرې او لارښوونې وکړې.
د لیدنې په دوام د عدلیې ریاست رئیس يادې خبرې تائيد او د تطبیق ډاډ یې وکړ.
دغه راز د عدلیې رئیس په خپلو خبرو کې له محاکمو سره د هر اړخيزو همکاريو ژمنه وکړه.
ليدنه د دعا په ویلو پای ته ورسېده.