د کابل ولایت د نشه‌یي توکو او مسکراتو څخه د مخنیوي ابتدائیه محکمې لخوا درېیو مجرمینو ته تعزیري سزا ورکړل شوه
د کابل ولایت د نشه‌يي توکو او مسکراتو څخه د مخنیوي ابتدائیه محکمې د پرېکړې له مخې په ۲۸ /۸ /۱۴۴۶هـ ق نېټه، درېیو کسانو ته د الکولي مشروباتو، چرسو او ذیکپ نشه‌یي توکو د پېر، پلور او ساتنې په جرم تعزیري سزا ورکړل شوه.
د کابل ولایت د نشه‌یي توکو او مسکراتو څخه د مخنیوي ابتدائیه محکمې د یادو مجرمینو له ډلې دوه کسان په دوه ـ دوه کاله تنفیذي بند او ۳۹ـ۳۹ دُرو تعزیري سزا او یو بل کس په دوو میاشتو تنفیذي بند او لسو دُرو محکوم کړی و.
د تعزیري سزا دغه پرېکړه د سترې محکمې عالي مقام له تائید وروسته پر مجرمینو تطبیق شوه.
