د پکتيا زون نظامي محکمې مسؤولينو لخوا د جزائي اصولنامې د تشرېح په موخه سيمینار جوړ شو
د پکتیا زون نظامې محکمې رئیس الحاج مولوي عبدالجلیل آغا (حسیني)؛ د زون اړوند څانګو پکتیکا او خوست د رئیسانو سره په ګډه همغږۍ د پکتیا زون نظامي محکمې په انګړ کې د عالیقدر امیرالمؤمنین (حفظهالله تعالی) له طرفه د توشېح شوې جزائي اصولنامې د تشرېح او لا ښه پوهاوي په موخه؛ په ۲۴/ ۷/ ۱۴۴۷ هـ ق نېټه یو ورځنی سیمینار جوړ شو.
په دغه سیمینار کې د پکتیا زون نظامي محکمې او د یاد زون اړوند پکتیکا او خوست څانګو ټولو قضائي غړو ګډون درلود.
یاد سیمینار د قرآنکریم د څو مبارکو آیاتونو په تلاوت پيل شو؛ ورپسې د عالیقدر امیرالمؤمنین (حفظهالله تعالی) له طرفه توشېح شوې جزائي اصولنامه په ډېر ښه وضاحت او درسي بڼه بشپړه تشرېح شوه.
یاد سيمینار په اختتامیه دعاء پای ته ورسېد.
