د کابل ولایت د استیناف محکمې رئیس د اسنادو او وثایقو د ثبت له پنځو آمریتونو څخه لیدنه وکړه
د کابل ولایت د مرافعه محکمې رئيس ښاغلي مولوي عبدالشکور « رشاد آخندزاده » د ۱۴۴۴ هـ ق کال د شعبان المعظم میاشتې په څلورمه د دغه ولایت د اسنادو او وثایقو د ثبت د پنځو آمریتونو مسلکي او اداري چاري له نږدې وکتلې.
د مرافعه محکمې رئيس د یادو آمریتونو څخه د کتنې موخه د کارکوونکو د چارو نظارت، په چارو کې د کارکوونکو د ستونزو تشخیص وو.
د مرافعه محکمې محترم رئیس د یادې کتنې پر مهال د پنځو آمریتونو له قاضیانو او د تحریراتو له مدیرانو سره پر مجلس سربېره د یادو آمریتونو د حاضرۍ کتابونه، وارده او صادره کتابونه او د اجرأ شوو وسایقو څو نمونې وکتلې، د کارونو د تنظیم او لابهبود په موخه یې لازم هدایات او سپارښتنې وکړې.
د مرافعه محکمې رئیس محترم مولوي عبدالشکور «رشاد آخندزاده» ټولو آمریتونو ته هدایت وکړ څو د تېر رژیم د هغه قوانینو له تطبیق څخه جدي ډډه وکړي کوم چې له اسلامي شریعت سره په ټکرکې وي.
نوموړي زیاته کړه چې له مراجعینو سره باید ښه چلند وشي او د هغوی کارونه باید په معین وخت کې ترسره شې.
