د زابل ولایت د مرافعه محکمې رئیس د دغه ولایت د عدليې رياست له رئيس سره وکتل
د روا ن 1444 کال د شوال المکرم میاشتې په ۱۶مه نېټه د زابل ولايت د مرافعه محکمې رئيس محترم شيخ نقيب الله (اخندزاده) د مرافعه محکمې د ریاست په مقام کې د ياد ولايت د عدليې له رئیس محترم مولوي عبدالوارث (خلیل) سره د همکارۍ او د حقوقي مساعدینو د ستونزو د حل په موخه ناسته ترسره کړه.
په دې ناسته کې د مرافعه محکمې رياست د تحريراتو آمر حکمت الله (عاصم)، د عدليې رياست د حقوقي مرستو آمر مولوي شفیع الله (معصوم) او د حقوقي مرستو آمریت حقوقي مساعد (مدافع وکیل) عبدالواحد (حلیمي) هم ګډون درلود.
لومړی د زابل ولایت د مرافعه محکمې رئيس د ناستې ګډونوالو ته ښه راغلاست او پرانیستونکې وينا وکړه؛ ورپسې د عدلیې ریاست رئیس د یاد ریاست اړوند د حقوقي مرستو آمریت د لایحې او کاري کړنو اړوند هر اړخیزې خبرې وکړې.
همدارنګه د حقوقي مساعدینو (مدافع وکیلانو) موجوده ستونزو د حل په موخه هم وینا وشوه، په پای کې د زابل ولایت د مرافعه محکمې رئیس محترم شیخ نقیب الله (آخندزاده) د هر ډول اصولي همکارۍ ژمنه وکړه او زیاته یې کړه چې موږ هر ډول اصولي همکارۍ ته ژمن یو.
باید وویل شي چې د استیناف محکمې رئیس او د ناستې نورو ګډونوالو دغه ناسته مهمه او له لاسته راوړنو څخه ډکه وبلل.
