د نورستان د مرافعه محکمې یوه پلاوي د دغه ولایت اړوند ولسوالیو ته سفر وکړ
د نورستان ولایت د مرافعه محکمې یوه پلاوي چې په تشکیل کې د ښاري ابتدائیه محکمې د مدني دېوان محرر محترم امین الله او د مرافعه محکمې اجرائیه مدیر محترم عزیز د ۱۴۴۴ هـ ق کال د ذوالحجې میاشتې په ۲۰مه نېټه د یاد ولایت د ولسوالیو ابتدائیه محاکمو ته سفر وکړ.
د مرافعه محکمې دغه پلاوي د خپل سفر په جریان کې د ولسوالیو د ابتدائیه محاکمو اداري چارې له نږدې وکتلې، د دوی نیمګړتیاوې یې په ګوته او د حل په موخه یې ګټورې مشورې ورکړې.
د یادو ولسوالیو مسؤولینو د مرافعه محکمې د دغه پلاوي په سفر خوښي څرګنده کړه وویل، دوی به په مسلکي برخه کې د محررینو د روزنې لپاره جدي هڅې وکړي.
