د ميدان وردګ ولايت د چک ولسوالۍ د ابتدائيه محکمې په هڅو د قتل موضوع حل شوه
د میدان وردګ ولایت د چک ولسوالۍ د ابتدائیه محکمې د مسؤولینو په هڅو او د قومي مشرانو په منځګړيتوب په ۱۵ / ۲/ ۱۴۴۶ هـ ق نېټه د قتل موضوع حل شوه.
د قتل دغه پېښه چې په نتیجه کې یې یوه ښځه وژل شوې وه، د روان کال د محرم الحرام مياشتې په ۱۷مه نېټه رامنځته شوې وه؛ چې ابتدائيه محکمې ته تر راجع کېدو وروسته د یادې محکمې د مسؤولينو او قومي مشرانو په منځګړيتوب حل او موضوع يې په رسمي ډول پای ته ورسېده.
د یادونې وړ ده چې د یادې موضوع دواړو لوریو د محکمې له هڅو خپله خوشحالي څرګنده کړه، د محکمې له مسؤولينو يې مننه وکړه او د اسلامي نظام د بقا او استقامت دعا يې وکړه.
