د سترې محکمې د دعوت او ارشاد ریاست پلاوي د سمنګان او بلخ ولايتونو د مرافعه محاکمو لپاره د دعوت او ارشاد برخې آمرين وټاکل
د سترې محکمې د دعوت او ارشاد رياست رئيس محترم حافظ مولوي عبدالعزيز (ميوندي) په مشرۍ د یاد رياست پلاوي د روان ۱۴۴۶ هـ ق کال د ربيع الاول مياشتې په ۲۶مه او ۲۷مه نېټه سمنګان او بلخ ولایتونو ته د سفر پر مهال د یادو ولایتونو مرافعه محاکمو لپاره د دعوت او ارشاد برخې آمرين وټاکل.
د دعوت او ارشاد ریاست پلاوي په دې موخه له څو علماء کرامو څخه آزموینه واخیسته او د دوی له ډلې يې يو ــ یو ممتاز کس د سمنګان او بلخ ولایتونو د مرافعه محکمې لپاره د دعوت او ارشاد برخې د آمرینو په حیث وټاکه.
دغه راز یاد پلاوي د خپل سفر پر مهال د سمنګان او بلخ ولایتونو د مرافعه، ښاري ابتدائیه محاکمو له مسؤولینو او منسوبینو او دغه راز د نظامي قطعې له منسوبینو سره جلا، جلا اصلاحي غونډې وکړې.
په دې اصلاحي غونډو کې د ياد پلاوي لخوا ټولو ګډونوالو ته د تقوا، اخلاص، ور سپارل شوي مسؤوليتونه په ښه ډول سرته رسولو او د اسلامي امارت د بقا لپاره د خدمت اړوند مهمې او ارزښتناکې ويناوې وشوې.
