د سترې محکمې د حقوقو عمومي رئیس دایکندي ولایت ته سفر وکړ
د سترې محکمې د حقوقو عمومي رئيس محترم الحاج مفتي محمد ابراهیم جان (ابوالحفاظ) د یوه پلاوي په مشرۍ د روان ۱۴۴۶هـ ق کال د ربيع الثاني میاشتې په ۲۸مه نېټه د حقوقو عمومي ریاست اړوند ادارو د چارو د ارزونې او اړوند مسؤولینو سره د لیدنې په موخه دایکندي ولایت ته سفر وکړ.
د حقوقو عمومي رئيس د دغه سفر په جریان کې لومړی د چارو د چټکتيا او ښه والي په موخه د دايکندي ولايت د مرافعه محکمې له محترم رئیس سره ليدنه وکړه.
ورپسې د یاد پلاوي لخوا د دايکندي ولايت د حقوقو آمر، د ولسوالیو د حقوقو مدیرانو او مسلکي غړو ته د چارو د سمون او ښه والي په موخه سیمينار ورکړل شو.
د حقوقو د عمومي رئيس یاد درې ورځنی سفر د روان ۱۴۴۶هـ ق کال د جمادي الأولی مياشتې په لومړۍ نېټه پای ته ورسېد.
