د روزګان ولايت دهراود ولسوالۍ ابتدائيه محکمې د مسؤولينو په هڅو د قتل دوه قضيې حل او فصل شوې
د روزګان ولایت دهراود ولسوالۍ ابتدائیه محکمې د قضائي غړو په ډېرو هڅو، د قومي مشرانو او سپين ږېرو په منځګړيتوب په ۱۱ /۵ /۱۴۴۶ هـ ق نېټه د قتل دوه قضيې حل او فصل شوې.
د قتل یادې پېښې شاوخوا څلور کاله مخکې په رزوګان ولايت کې رامنځته شوې وې، د دهراود ولسوالۍ ابتدائيه محکمې تر راجع کېدو وروسته په غور وڅېړل شوې او د یادې محکمې د مسؤولينو لخوا جانبین سولې ته وهڅول شول.
د ابتدائيه محکمې د مسؤولينو په هڅو او قومي مشرانو په منځګړيتوب د دواړو پېښو د کورنيو ترمنځ سوله وشوه او رسماً يې دښمنۍ پای ته ورسېدې.
