د پکتيکا ولايت مرافعه محکمې رئيس د یاد ولايت له عمومي زندان څخه ليدنه وکړه
د پکتیکا ولایت مرافعه محکمې عمومي رئیس محترم مولوي محبوب الرحمن (نقشبندي)؛ د يوه ګډ پلاوي په ملتيا په ۲۵/ ۹/ ۱۴۴۶ هـ ق نېټه د یاد ولایت له مرکزي زندان څخه لیدنه وکړه.
د ليدنې په پيل کې ياد پلاوي د بندیانو سره له نږدې وکتل، د هغوی نظرونه یې واورېدل، د بندیانو د برخليک او دوسیو په اړه یې بشپړل معلومات ترلاسه کړل.
د ليدنې په دوام د یاد پلاوی له تحقیق وروسته معلومه شوه چې په محبس کې کوم بې برخليکه بندي نشته، د ټولو بندیانو دوسیې قطعي شوې او یا هم په محاکمو کې تر جریان لاندې دي.
دغه راز یاد پلاوي د بندیانو د استراحت له اطاقونو، د روژه ماتي د انتظام او ډوډۍ څخه لیدنه وکړه، چې په دې برخو کې هم کومه ستونزه نه وه.
د ليدنې په وروستيو کې یاد پلاوي د بندیانو په اړه د محبس له مسؤولینو سره خپل نظرونه شریک کړل او د بنديانو سره د مسؤولينو د ښه سلوک له امله یې ترې مننه وکړه.
