د هرات، زابل او روزګان ولایتونو د حقوقو آمریتونو په یوه میاشت کې (۵۶۰۶) عرضپاڼو او دوسيو ته رسېدنه کړې ده
د سترې محکمې د حقوقو عمومي ریاست اړوند د هرات، زابل او روزګان ولایتونو د حقوق آمریتونو په یوه میاشت کې له ( ۱۴۴۷/۷/۱ هـ ق څخه تر ۲۹ /۷ /۱۴۴۷هـ ق) نېټې پورې (۵۶۰۶) عرضپاڼو او دوسيو ته رسېدنه کړې ده؛ چې جزئيات يې په لاندې ډول دي.
د عرضپاڼو په برخه کې:
د هرات، زابل او روزګان ولایتونو د حقوقو آمریتونو په یوه میاشت کې د مدني، فاميلي او سوداګریزو دعواوو په برخه کې (۵۳۵۳) عرضپاڼو ته رسېدنه کړې ده.
له دې جملې څخه (۱۲۵۷) عرضپاڼې اصلاح او ابراء شوې، (۷۶۹) عرضپاڼې محاکمو ته لېږل شوې، (۴۱۹) عرضپاڼې نورو ادارو ته راجع شوې، (۲۷۸۹) عرضپاڼې حفظ شوې او پاتې عرض پاڼې تر کار لاندې دي.
د دوسيو په برخه کې:
د هرات، زابل او روزګان ولایتونو د حقوقو آمریتونو په یوه میاشت کې د مدني، فاميلي او سوداګریزو دعواوو په برخه کې (۲۵۳) دوسيو ته رسېدنه کړې ده.
له دې جملې څخه (۱۱۳) دوسيې تطبيق شوې، (۴۹) دوسيې محاکمو ته لېږل شوې، (۲۲) دوسيې نورو ادارو ته راجع شوې، (۶۹) دوسيې حفظ شوې او پاتې دوسیې تر کار لاندې دي.
