د هرات ولایت د حقوقو آمریت په یوه میاشت کې (۵۰۴۱) عرضپاڼو او دوسيو ته رسېدنه کړې ده
د سترې محکمې د حقوقو عمومي ریاست اړوند د هرات ولایت د حقوق آمریت په یوه میاشت کې له ( ۱۴۴۷/۱۰/۱هـ ق څخه تر۳۰ /۱۰ /۱۴۴۷هـ ق) نېټې پورې (۵۰۴۱) عرضپاڼو او دوسيو ته رسېدنه کړې ده؛ چې جزئيات يې په لاندې ډول دي.
د عرضپاڼو په برخه کې:
د هرات ولایت د حقوقو آمریت په یوه میاشت کې د مدني، فاميلي او سوداګریزو دعواوو په برخه کې (۴۶۳۶) عرضپاڼو ته رسېدنه کړې ده.
له دې جملې څخه (۷۹۵) عرضپاڼې اصلاح او ابراء شوې، (۱۰۱۶) عرضپاڼې محاکمو ته لېږل شوې، (۳۳۱) عرضپاڼې نورو ادارو ته راجع شوې، (۲۴۹۴) عرضپاڼې حفظ شوې او پاتې عرض پاڼې تر کار لاندې دي.
د دوسيو په برخه کې:
د هرات ولایت د حقوقو آمریت په یوه میاشت کې د مدني، فاميلي او سوداګریزو دعواوو په برخه کې (۴۰۵) دوسيو ته رسېدنه کړې ده.
له دې جملې څخه (۱۱۴) دوسيې تطبيق شوې، (۸۲) دوسيې محاکمو ته لېږل شوې، (۱۶) دوسيې نورو ادارو ته راجع شوې، (۱۹۳) دوسيې حفظ شوې او پاتې دوسیې تر کار لاندې دي.
