د میدان وردګ ولايت مرافعه محکمې رئيس د یاد ولايت ښاري ابتدائیه، اتو ولسواليو ابتدائیه محاکمو او محبس څخه ليدنه وکړه
د میدان وردګ ولایت مرافعه محکمې عمومي رئیس محترم الحاج مفتي عبدالله (فرقاني)؛ د مرافعه محکمې مدني دېوان رئيس مولوي عبدالصمد (فیاض) او عامه امنيت دېوان محرر په ملتيا، په ۱۰/ ۵/ ۱۴۴۷ هـ ق نېټه له ښاري ابتدائیه محکمې، دایمیرداد، مرکز بهسود، حصه اول، جغتو، چک، جلریز، سیدآباد او نرخ ولسوالیو له ابتدائیه محاکمو او مرکزي محبس څخه ليدنه وکړه.
په دې سفر او لیدنه کې یاد پلاوي د ټولو محاکمو له رئيسانو قضائي غړو او د محبس له مسؤولينو سره وکتل، د یادو محاکمو قضائي او اداري چارې وارزول شوې او د لا ښه والي او سمون په موخه ورته لازمې لارښوونې وشوې.
د مرافعه محکمې رئيس ټولو مسؤولینو ته له مراجعینو سره د ښه چلند، غوره اخلاقو، صبر او استقامت په اړه لازمې توصیې وکړې.
د لیدنې په دوام د محاکمو او امنيتي قطعې ستونزې واورېدل شوې او یادو ستونزو ته د رسېدنې ډاډ ورکړل شو.
د مرافعه محکمې رئيس یاد سفر په ۲۰/ ۵/ ۱۴۴۷ هـ ق نېټه پای ته ورسېد.
