د هلمند د مرافعه محکمې د رئیس په مشرۍ اداري غونډه ترسره شوه
د پنجشنبې په ورځ ( ۲۹ /۲ /۱۴۴۵هـ ق نېټه) د هلمند ولایت د مرافعه محکمې د ریاست په مقام کې د دې محکمې د عمومي رئیس (حماس) مولوي صاحب په مشرۍ مشورتي اداري غونډه ترسره شوه.
په یاده اداري غونډه کې د مرافعه محکمې د ټولو دېوانونو رئیس صاحبانو، ښاري محکمې د ټولو دېوانونو رئیس صاحبانو او د تحریراتو عمومي امر ګډون درلود.
یاده اداري غونډه چې د قرآنکریم د څو مبارکو آیاتونو په تلاوت پیل شوه؛ ورپسې حماس مولوي صاحب د ټولو دېوانو قضاتو ته د ښه راغلاست ترڅنګ د غونډې اجنډا بیان کړه او د ۱۴۰۳هـ ش کال د تشکیل په هکله یې معلومات ورکړل اود یادو قضاتو ستونزې واورېدلې او له دوی سره یې د همکارۍ ژمنه وکړه چې تر خپل توان به همکاري درسره کوم.
یاده غونډه د دعا په ویلو پای ته ورسېده.
