د کابل ولایت د نشهیي توکو او مسکراتو څخه د مخنیوي ابتدائیه محکمې لخوا (۱۵) مجرمینو ته تعزیري سزا ورکړل شوه
د کابل ولایت د نشهیي توکو او مسکراتو څخه د مخنیوي ابتدائیه محکمې د پرېکړې له مخې (۱۵) کسانو ته د نشهیي تابلیتو (ذیکپ، تابلیت کا)، شیشې او چرسو د خرڅلاو او قاچاق په جرمونو، نن یکشنبه ۹/ ۶/ ۱۴۴۷ هـ ق نېټه تعزیري سزا ورکړل شوه.
ابتدائیه محکمې یاد مجرمین له ۷ میاشتو څخه تر دوو کاله او شپږو میاشتوپر تنفيذي بند او له ۱۰ څخه تر ۲۰ دُرو پر تعزیري سزا محکوم کړي وو؛ چې یاده پرېکړه د سترې محکمې عالي مقام له تائيد وروسته پر یادو مجرمینو تطبيق شوه.
