د میدان وردګ ولايت محاکمو په یوه میاشت کې (۱۹۰) دوسیو ته پر رسېدنه سربېره، (۳۱۶) وثیقې هم اجرا کړې دي
د ميدان وردګ ولايت مرافعه محکمې، ښاري ابتدائيه محکمې او د ټولو ولسواليو ابتدائيه محاکمو په يوه مياشت کې له (۱/ ۲/ ۱۴۴۶ هـ ق نېټې څخه تر ۳۰/ ۲/ ۱۴۴۶ هـ ق) نېټې پورې (۱۹۰) دوسيو ته پر رسېدنه سربېره، (۳۱۶) وثيقې هم اجرا کړې دي، چې جزئيات يې په لاندې ډول دي.
په حقوقي برخه کې:
په تېره یوه میاشت کې (۱۲۶) حقوقي دوسیې محاکمو ته راجع شوې، په داسې حال کې چې مخکې هم یو شمېر دوسیې موجودې وې.
له دې جملې څخه د (۱۱۱) دوسیو په تړاو قضائي قرارونه صادر شوي، (۳۲) دوسیې فیصله شوې، (۹) دوسيې مکتوبي مستردې شوې او پاتې دوسيې تر کار لاندې دي.
په جزائي برخه کې:
په تېره یوه میاشت کې (۴۱) جزائي دوسیې محاکمو ته راجع شوې، په داسې حال کې چې مخکې هم یو شمېر دوسیې موجودې وې.
له دې جملې څخه د (۲۲) دوسیو په تړاو قضائي قرارونه صادر شوي، (۱۲) دوسیې فیصله شوې او پاتې دوسيې تر کار لاندې دي.
په تجارتي برخه کې:
په تېره يوه مياشت کې (۲) تجارتي دوسيې محاکمو ته راجع شوې، په داسې حال کې چې مخکې هم یو شمېر دوسيې موجودې وې.
له دې جملې څخه د (۳) دوسيو په اړه قضائي قرارونه صادر شوي، (۱) دوسيه فیصله شوې او پاتې دوسيې تر کار لاندې دي.
د وثيقو برخه کې:
د ميدان وردګ ولايت محاکمو په يوه مياشت کې (۳۱۶) بېلا بېلې وثيقې هم اجرا کړې دي.
